Një avion luftarak amerikan është rrëzuar pranë stacionit ajror të Korpusit të Marinës në San Diego, njoftuan mediat amerikane të premten, duke cituar zyrtarë ushtarakë.
“Nuk është ende e qartë se çfarë e shkaktoi rrëzimin e F/A-18 Hornet”, raportuan ABC News dhe Fox News. Fox raportoi se kishte një pilot në bordin e avionit, për të cilin nuk ka asnjë informacion.
Fox News, duke cituar një deklaratë nga baza në Kaliforni, tha se avioni u rrëzua në një zonë pranë një autostrade ndërshtetërore rreth orës 23:54. të enjten, duke e quajtur një “aksident”.
“Ky aeroplan nuk i përket krahut të tretë të avionëve detarë, por po operonte jashtë MCAS Miramar,” tha stacioni ajror në një deklaratë, sipas Fox.
Roja Bregdetare njoftoi se ishte nisur një operacion kërkim-shpëtimi për gjetjen e pilotit, ndërsa mediat amerikane raportuan se disa nga rrënojat e avionit ishin gjetur.
Që nga debutimi i F/A-18 në 1983, prodhuesi Boeing ka dorëzuar më shumë se 2000 Hornet, Super Hornet për klientët në mbarë botën, duke përfshirë Marinën e SHBA, Australinë, Kanadanë, Finlandën, Kuvajtin, Malajzinë, Spanjën dhe Zvicrën.
Discussion about this post