Një shqiptar ka mbetur i vrarë në Sirolo të Italisë. Mediat italiane raportojnë se ngjarja ka ndodhur pasditen e së dielës, 27 gusht 2023, ku 23 vjeçari është vrarë me fuzhnjë nga një person me origjinë nga Algjeria.
Klajdi Bitri mbeti i vdekur pasi ndërhyri për të neutralizuar një sherr ku ishte përfshirë shoku i tij.
Makina ku ndodhej algjeriani nuk i jepte përparësi makinave të tjera, ndërsa vetë lëvizte shumë ngadalë. Ky ishtë shkaku i përplasjes fizike mes autorit dhe një personi, që mendohet se ishte i shoku i shqiptarit.
I riu ka ndërhyrë për të shuar sherrin kur është goditur në gjoks me shtizë peshkimi nga algjeriani. Viktima Klajdi Bitri, një punëtor 23-vjeçar ishte banues në Ankona.
Mediat italiane raportojnë sot se algjeriani i arrestuar nuk ka rrëfyer krimin edhe pas 24 orësh në hetuesi.
Ai u arrestua disa orë pas ngjarjes së rëndë. Edhe pas krimit, ai kishte shkuar të peshkonte me fuzhnjë. Në momentin e arrestimit, ai shoqërohej nga e dashura.
Ndaj saj nuk është ngritur ndonjë padi.
Discussion about this post