Feronit Shabani – Fero tashmë është bërë një praktikues i fesë islame. Rapisti nga Gjilani vetëm pak ditë më parë njoftoi largimin e tij nga muzika, për t’iu përkushtuar fesë islame dhe familjes.
Ai po ashtu u bëri thirrje të gjithëve që të mos i dëgjojnë më këngët e tij dhe se është penduar për çdo tekst që ka shkruar.
Ai kësaj radhe ka ndarë sërish një postim në Instagram, një mesazh me motive fetare.
“Në atë zemër që hyn Imani ose Islami, aty nuk ka vend e keqja apo mërzia”, tha ai.
26 vjeçari tregoi mes tjerash se falet pesë herë në ditë, e në këtë frymë duket të ketë përfshirë edhe anëtarët e tjerë të familjes, ku vetëm një ditë më parë solli një fotografi të vajzës së tij të vogël duke e mësuar që të falet.
Vendimi i Feros për ta lënë muzikën vjen pas rastit të fundit me partneren e tij, modelen Arbenita Ismajli, për të cilën u dyshua se e sulmoi fizikisht dhe e kanosi.
Discussion about this post