Ministri i Drejtësisë, Ulsi Manja, ka raportuar sot rastet e korrupsionin nga zyrtarë të lartë në institucionet publike, të evidentuara në javët e fundit. Manja tregoi se katër rastet e parë janë konstatuar në Kadastrën e Durrësit, ku dy nënpunës kanë abuzuat m e dokumentacionet për legalizimet. Ndërsa dy raste të tjera regjistrohen nga inspektorë në AKU Fier.
“Rasti i Fierit, ku denoncuam dy inspektorë të AKU, janë miratuar 2 masat e sigurisë, njëri është në burg, tjetra në shtëpi. Sot jam para jush të them disa raste të reja, për të cilat ka përfunduar hetimi. Në Kadastrën e Durrësit ka raste që po trajtohen. 2 rastet e para kanë të bëjnë me lejë legalizimi në kundërshtimi me ligjin. Nuk respektohen procedurat. I treti është flagrant. Është printuar leja e legalizimit dhe i është dhënë qytetarit dhe më pas janë bërë proceduarat. Data e dhënies së lejes është më parë se të bëheshin dokumentet”, shprehet Manja.
Më tutje, ai tregoi se dy rastet të tjera abuzimi raportohen në pikën doganorë në Korçë, ku është punësuar një person i cili nuk kishte kualifikim e duhur për atë pozicion, por ka falsifikuar dokumentet shkollore. Ndërsa rasti i fundit raportohet në Drejtorinë e Transportit, ku punonjësi ka thyer rregullat në këmbim të ryshfetit. “Rasti tjetër ka të bëjë me doganën e Korçës. Një nëpunës është bërë pjesë përmes dokumenteve shkollore të falsifikuara. Përveç doganierit ne kemi denoncuar edhe noterin, për të cilin kemi kërkuar edhe hetimin disiplinor. Rasti i fundit ka të bëjë me drejtorinë e DSHTRR, që ka të bëjë me ryshfetin direkt në sportel”, tha Manja, ndërsa shtoi se kontrollet për të goditur rastet abuzive po vazhdojnë.
Discussion about this post