Skuadra Kampione e Kosovës, FC Ballkani ka arritur një tjetër sukses historik në garat evropiane, duke siguruar kështu kualifikimin në grupet e Conference League.
Portokallinjtë kanë fituar ndaj BATE Borisov me rezultatin e përgjithshëm 4-2 në “Play Off”, duke siguruar kështu kualifikimin e madh në grupet e Conference League.
Trajneri i Ballkanit, Ilir Daja u shpreh tejet i lumtur me këtë sukses që arriti ai me skuadrën e tij. “Ishte si një ëndërr e çmendur.
Ky kualifikim i shkon gjithë Suharekës, Ballkanit, tifozëve tanë, gjithë Kosovës, sepse kemi prezantuar gjithë futbollin kosovar, ndihem i përulur para çdo tifozi kosovar që na ka mbështet në këtë rrugëtim”, tha fillimisht ai.
Më fund e mbylli me: “Fitoren ia dedikoj të gjithë trajnerëve, të çfarëdo kategorie, edhe të grupmoshave”, përfundoi Daja.
A thua ky dedikim të jetë një tjetër “kunj”, ndaj rivalit të tij, në Kosovë, Ismet Munishit? Epo, zyrtarisht, nuk do ta mësojmë kurrë. Na mbetet vetëm që të urojmë trajnerin Daja, i cili po e konfirmon veten si trajneri shqiptar më i mirë, në qarkullim.
Discussion about this post