Lulzim Basha tha se nuk ka ardhur para demokratëve për tu shtirur, ndërsa i ka kërkuar ndjesë shqiptarëve dhe demokratëve, pasi në vend që të luftonim për qytetarët, luftuam për godina e muret me tulla.
Në Kuvendin e PD-së zyrtare, që po zhvillohet në pallatin “Asllan Rusi”, Basha tha se nga sot bashkë me demokratët do të nisë një rrugë të re.
“Nuk u bëmë asnjëherë palë me llumin e akuzave dhe gjuhën e linçimit publik. Ata që hodhënm baltë ndaj nesh nuk i fshehin dot më duart e pista. Ne nuk iu premtuam as përmbysje imagjinare dhe as revolucionet”, tha Basha.
Ai tha se kishte trashëguar një parti të një njeriu të vetëm, një parti të diktatit personal. “Nga një parti e lirisë, nga një parti e studentëve të dhjetorit, unë trashëgova një parti të një njeriu të vetëm, të diktatit personal dhe jo të demokratëve”, tha Basha.
Ai tha se asnjëherë nuk ka vendosur interesat personale mbi ato të demokratëve apo shqiptarëve.
“Nuk duhet të harxhojmë asnjë sekondë me të shkuarën, rinia do të dijë se si do të ndërtojmë të ardhmen”, tha Basha.
Ai tha se lufta ndaj korrupsionit do të jetë e pakompromistë. “Çlirimi i politikës nga krimi dhe monopolet janë qëndrimet më fisnike të partisë sonë”, tha Basha.
Ai tha se nuk do të bëhet kurrë pjesë e politikës së vjetër, duke theksuar se kjo politikë atje ku duket se shahet e zihet më shumë, aty bëhen bashkë, sikundër e patë në rastin e kullës 64 kate të korrupsionit në mes të Tiranës.
Basha i ka drejtuar një apel SPAK dhe GJKKO që ti tregojë dhëmbët e ligjit të korruptuarve, pavarësisht emrave të përveçëm.
Discussion about this post