Gjykata e Tiranës vendosi burg me afat bpër tre të rinjtë që dyshohet se shisnin kokainë në Tiranë. Ndërsa Prokuroria kishte kërkuar masën e arrestit me burg, Gjykata vendosi afatet nga 30 deri në 45 ditë për tre të arrestuarit e dy ditëve më parë.
Konkretisht Gjykata caktoi 45 ditë burg për Denis Mustafën, ndërsa për Robert Domin dhe Andrea Demën u vendos 30 ditë burg.
Tre të arrestuarit kanë mohuar që të jenë të përfshirë në shitjen e kokainës. Madje Mustafa tha se punon banakier në një lokal dhe aty ka njohur një djalë, i cili i ka dhënë një pako të cilën do ta merrte më vonë.
Sipas gazetares Klodiana Lala, Genis Mustafa, banakier në një bar në kryeqytet ka pohuar se një mik i tij e kishte prezantuar me një person tjetër disa muaj më parë. Disa ditë më parë ky person, sipas Mustafës i ka dhënë një pako për t’ia ruajtur
Pakon e kishte lënë në makinën e tij të parkuar pranë rrugës “Myslym Shyri”. Ditën e arrestimit ky person, që sipas avokatëve, ka qenë i infiltruar i policisë, i ka kërkuar takim.
Kanë pirë një kafe dhe janë drejtuar për tek makina, ku edhe ka ndërhyrë policia. Në mjet është gjetur kokaina dhe është prangosur Mustafa, ndërsa i dyshuari si i infiltruar është larguar. Pak metra më tutje janë ndaluar dy personat e tjerë.
Avokatët kanë pretenduar se në dosje nuk ka autorizim nga prokuroria për kryerje të veprimeve të simuluara.
Avokatët e Robert Domit dhe Andrea Demës pretenduan se klientët e tyre nuk kanë asnjë njohje me Mustafën. Ata thanë se të rinjtë ndodheshim rastësisht në zonë dhe janë gjendur të rrethuar nga policia.
Discussion about this post