Pas disa vitesh Berisha rikthehet në Tropojë, kësaj radhe për “Foltoren”

Ish-kryeministri, Sali Berisha i është rikthyer “Foltores” këtë radhë në qytetin e Tropojës. Pasi ka zhvilluar një sërë takimesh në disa qytete të vendit, sot Berisha ishte në Tropojë për të ftuar demokratët të bëhen pjesë e Kuvendit Kombëtar që ai ka propozuar ta zhvillojë më 11 dhjetor, dhe jo më 18 dhjetor kur ka vendosur kreu i Partisë Demokratike, Lulzim Basha së bashku me strukturat.

Në takimin e Berishës ishin deputeti i PD-së, Isuf Çela, ish-kryetari i bashkisë, Besnik Dushaj, deputeti i PD-së, Flamur Noka, ish-deputetet Aleksandër Biberaj, Florian Mima, Klevis Balliu, si dhe Lisandër Hoxha, ish-nënkryetar i Forumit Rinor të PD.