Kryeministri Edi Rama nuk ka kursyer kritikat ndaj SPAK lidhur me hetimet për inceneratorët dhe sterilizimin.
“SPAK nxjerr bishtat e neveritshme të abuzimeve”, tha Rama, por shtoi se “ne kurrë nuk do t’u tregojmë organeve të reja të drejtësisë se çfarë duhet të bëjnë”.
“SPAK i falet të bëjë edhe ndonjë gabim, pasi janë nën presionin e qytetarëve që duan drejtësi. i falen gabimet sepse janë në hapat e tyre të parë, por nuk ka asnjë shans që kjo mazhorancë të ndalë Prokurorinë Speciale”, tha Rama.
Ai tha se organet e reja të drejtësisë nuk ranë nga qielli, as i sollën amerikanët apo europianët, por ato lindën falë vullnetit të Partisë Socialiste.
“Sa të jem unë këtu nuk do i tregojmë ne drejtësisë se si duhet apo do të punojë”, tha Rama. Madje ai tha se kjo pari duhet të kalojë gjallë apo vdekur provën me drejtësinë.
Discussion about this post