Sergio Ramos i është bashkuar zyrtarisht Sevillas. Qendërmbrojtësi legjendar nënshkroi një marrëveshje afatshkurtër me klubin e La Ligës.
Ai refuzoi ofertat nga Al Ittihad dhe Galatasaray, vetëm që t’i bashkohet klubit ku u bë i njohur.
🎥 @SergioRamos vuelve a casa. ⚪️🔴#WeareSevilla pic.twitter.com/eeJ0l40fFM
— Sevilla Fútbol Club (@SevillaFC) September 4, 2023
Veterani kthehet në klubin e tij të fëmijërisë dy vjet pasi u largua nga Spanja. Ai ishte pjesë e Sevillas nga viti 1996 deri në 2005 para se t’i bashkohej Real Madridit (transferim që i tërboi tifozët e klubit andaluz).
Sergio Ramos bëri 671 paraqitje mbresëlënëse për Real Madridin, duke shënuar 101 gola dhe duke regjistruar 40 asistime.
🖊️ @SergioRamos regresa 18 años después al #SevillaFC. ⚽️4⃣
¡Bienvenido, Sergio!#WeareSevilla #NuncaTeRindas
— Sevilla Fútbol Club (@SevillaFC) September 4, 2023
Me klubin mbretëror, u bë “El Gran Capitan”, duke e udhëhequr klubin, pas marrjes së stafetës nga legjendari Iker Casillas, drejt sukseseve madhore në Europë dhe botë, gjithmonë duke dhënë maksimumin për klubin më të mirë të botës.
Pas përfundimit të aventurës në kryeqytetin spanjoll, Sergio Ramos, luajti për dy sezone me Paris SG, klub me të cilin fitoi dy kampionate franceze si dhe një Superkupë të Francës.
Pasi nuk rinovoi kontratën me transalpinët, Ramos firmosi si një lojtar i lirë me Sevillan, klubi i fëmijërisë së tij, ku shpreson t’i bëjë mbylljen e bukur një karriere fantastike. Një nga ndeshjet speciale që pritet të luajë këtë sezon, do jetë ajo e 22 tetorit në kampionat kundër Realit të Madridit.
Discussion about this post