Qeveria e Kubës ka zbuluar një rrjet të paligjshëm trafikantësh rusë që rekrutonte shtetas të Kubës për t’i çuar ata për të luftuar në Ukrainë.
Ministri i Jashtëm kuban, Bruno Rodriguez, konfirmoi përmes një deklarate se këto tentativa janë bllokuar dhe se janë ngritur çështje penale kundër personave të përfshirë në këtë aktivitet.
Operacionet e rekrutimit të paligjshëm përfshijnë shtetas të Kubës që jetojnë jashtë vendit, por edhe shtetas të vendeve të Amerikës Qendrore.
Në deklaratë, Rodriguez sqaron se Kuba nuk do të marrë pjesë në konfliktin e armatosur në Ukrainë dhe se do të veprojë fuqishëm kundër atyre që përfshihen në trafikim të qenieve njerëzore me qëllim angazhimin e tyre si mercenarë.
Operacioni i autoriteteve erdhi pas raportimeve në media se dy të rinj në Kubë ishin rekrutuar përmes rrjeteve sociale për të shkuar në Ukrainë për të punuar si muratorë, por që më pas ishin përdorur nga ushtria ruse.
Discussion about this post