Një aksident ka ndodhur mbrëmjen e sotme në Tiranë. Në aksident është përfshirë një autobus i linjës së Unazës dhe dy automjete. Aksidenti ka ndodhur në rrugën “Bardhyl”.
Sipas informacioneve nuk raportohet për të lënduar, por vetëm dëme materiale.
“Më datë 05.09.2023, në Rrugën Bardhyl, shtetasi R. M., duke drejtuar automjetin e tij, dyshohet se ka kryer parakalim të gabuar dhe është përplasur me një automjet të parkuar dhe me autobusin e linjës së Unazës, me drejtues shtetasin B. K. Si pasojë e përplasjes ka vetëm dëme materiale. Grupi hetimor ndodhet në vendngjarje dhe po punon për sqarimin e rrethanave të aksidentit”, thuhet në njoftimin e policisë.
Kjo nuk është hera e parë kur autobusë të Unazës përfshihen në aksidente.
Janë disa aksidente ku autobusë në Tiranë kanë krijuar ngjarje në rrugë, ku ndër më të rëndët janë rasti kur autobusi përfundoi në Lanë dhe tjetri kur përplasi një seri automjetesh, duke plagosur disa persona, aksident që ndodhi në afërsi të parkut Rinia.
Discussion about this post