Veliaj po shfrytëzon çdo cep të Tiranës për të zhvilluar tenderë pa garë në favor të miqve të tij. Por, nga ana tjetër investime reale nuk shohim, sepse paratë hidhen në përroin e korrupsionit. Tashmë ai ka menduar të nxjerrë disa para përmes tenderin me objekt ‘Mbrojtje nga Përroi i Zhullimës në Kakunjë, Baldushk”. Kontrata që është firmosur nga Veliaj më datë 4 shtator 2023, parashikon pastrim dhe betonizim tek një bërryl i përroit. Aq i shqetësuar ka qenë Lali Eri për këtë përrua, sa ka vendosur të hedhë aty 240 milionë lekë (pa TVSH) ose 280 milionë lekë me TVSH.
Kaq shumë para vetëm për pak beton që do të hidhet në një kthesë të përroit! Por, pse na shkon mendja për keq? Tenderi është zhvilluar në shkelje të rregullave të prokurimit dhe për këtë është renditur në listën e kontratave abuzive me “Red Flag”. Shohim që më shpalljen e garës për këtë tender kanë paraqitur ofertat e tyre 25 kompani, ndërsa Lali Eri ka përjashtuar nga “gara” menjëherë 24 kompani.
Theksojmë se komisioni i Lali Erit vetëm për njërën prej kompanive ka dhënë argumentet për arsyet e skualifikimit, duke thënë se nuk ka paraqitur deklaratë ku të tregojë se mjetet që janë në përdorim në një tjetër kontratë.
Në këtë rast Autoriteti Kontraktor duhej ta vinte në dijeni kompaninë për këtë mungesë dokumentacioni.
Por, Veliaj nuk pyet, madje firmat e tjera i ka skualifikuar pa shkak të argumentuar. Kështu në shkelje të konkurrencës, Lali Eri i ka hapur rrugën ofertës së paraqitur nga bashkimi i operatorëve “Caushi M” shpk & “DGH-TIRANA” shpk, me pronarë Mehmet Caushaj dhe Arjeta Çoku. Ata nënshkruan kontratën e dhuruar dhe kanë kohë 2 muaj për realizuar projektin.
Lista e tenderëve me shkelje shtohet, ndërsa asnjë audit nuk guxon t’i kontrollojë letrat e Veliajt. Ndërkohë, ‘Caushi M’ është një nga ato kompania që futet e përfiton pa garë tenderë në çdo bashki. Sikur duket në listën e transaksioneve, kompania merret kryesisht me tenderë me vlerë më ulët për rregullim të rrugëve në fshatra apo rikonstruksioneve në zonat periferike. Nëse ke mbështetjen e Lali Erit shkon larg, por mund të përfundosh edhe në SPAK. Urojmë që kompania të hedhë ca gurë në anë të përroit, ndryshe ankesat e banorëve të Baldushkut mund të dëgjohen deri në Tiranë.
Discussion about this post