Mbajti peng të miturën, shpallet në kërkim 31-vjeçari

Policia ka shpallur në kërkim një 31 vjeçar, i cili dzshohet se ka mbajtur peng për disa orë një shtetase të mitur.

Sipas raportimeve, ngjarja ka ndodhur në Mat. Dyshohet se Ergys Kërtuka 31 vjeç ka mbajtur për disa orë peng një shtetase të mitur 14 vjeçare.

“Shtetasi E. K., 31 vjeç, banues në fshatin Frankth,  sapo ka konstatuar mbërritjen e shërbimeve të Policisë në fshat,  për shkak të ndjekjes intensive dhe kontrolleve që po ushtronte policia, 31-vjeçari, e ka lënë të miturën dhe vetë ka mundur të largohet”, njoftoi policia.

Njoftimi i policisë:

I hoqi për disa orë, lirinë një 14-vjeçareje, duke e mbajtur në banesën e tij, dhe sapo konstatoi mbërritjen e shërbimeve në fshat u largua,  shpallet në kërkim 31-vjeçari.

Pas informacioneve të marra në rrugë informative, se një shtetas po mbante në banesën e tij, një të mitur pa dëshirën e saj, shërbimet e Komisariatit të Policisë Mat kanë organizuar punën dhe kanë mbërritur menjëherë në zonën e sinjalizuar, për zbardhjen e rrethanave të rastit dhe për arrestimin e autorit.

Shtetasi E. K., 31 vjeç, banues në fshatin Frankth,  sapo ka konstatuar mbërritjen e shërbimeve të Policisë në fshat,  për shkak të ndjekjes intensive dhe kontrolleve që po ushtronte policia, 31-vjeçari, e ka lënë të miturën dhe vetë ka mundur të largohet.

Vijon puna për kapjen e shtetasit E. K. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.