Lufta e Tretë Botërore tashmë ka filluar dhe njerëzit duhet të presin që të shpërthejnë më shumë konflikte, deklaroi sot shefi i lartë i sigurisë në Ukrainë.
Duke folur nga Forumi i Sigurisë në Kiev, së bashku me ish-shefin e CIA-s, gjeneralin David Petraeus, sekretari i Këshillit të Sigurisë Kombëtare dhe Mbrojtjes së Ukrainës, Oleksiy Danilov tha se “njerëzit që mendojnë se Lufta e Tretë Botërore ende nuk ka filluar, bëjnë një gabim të madh”.
“Kjo nuk ka të bëjë vetëm me marrëdhëniet midis Ukrainës dhe Rusisë, është gjithashtu një gabim i madh. Është një situatë gjeopolitike shumë më e ndërlikuar dhe disa njerëz me mendje të matur kanë thënë se kjo nuk është lufta e fundit në këtë shekull,” vazhdoi Danilov.
Duke refuzuar idenë për të ardhur në tryezën e bisedimeve me Moskën, Danilov – i cili më parë shërbeu si kryebashkiak i qytetit të Donbasit të okupuar nga Rusia, Luhansk – krahasoi situatën me të cilën po përballet vendi i tij aktualisht me Londrën gjatë Blitz-it, duke thënë se Presidenti Franklin D. Roosevelt nuk do ta kishte thirrur Winston Churchillin dhe do t’i thoshte “mos e shqetëso Hitlerin, ai ka një ushtri të fortë, mos e zemëro, vetëm pranoje këtë”.
Discussion about this post