Presidenti rus Vladimir Putin tha sot se vendimi i Bashkimit Sovjetik për të dërguar tanke në Hungari dhe Çekosllovaki gjatë Luftës së Ftohtë për të shtypur protestat masive ishte një gabim.
“Ishte një gabim” tha Putin kur u pyet për Rusinë që konsiderohej një fuqi koloniale për shkak të vendimit të Moskës për të dërguar tanke në Budapest në 1956 dhe Pragë në 1968.
Kryengritja hungareze e vitit 1956 u shtyp nga tanket dhe trupat sovjetike. Shumë njerëz ishin vrarë në Budapest gjatë këtij operacioni. Pranvera e Pragës, në vitin 1968, përfundoi kur forcat sovjetike pushtuan Republikën Popullore Çekosllovake.
“Gjëja kryesore është se ne kurrë nuk kemi qenë kolonialistë askund, bashkëpunimi ynë ka qenë gjithmonë i ndërtuar mbi baza të barabarta ose me dëshirën për të ndihmuar dhe mbështetur, dhe vendet që përpiqen të konkurrojnë me ne, edhe tani, thjesht po ndjekin politika të ndryshme” tha presidenti rus,
Megjithatë, ky reagim vjen në një kohë kur luftimet në Ukrainë, pas pushtimit të shkurtit 2022, gjatë të cilit Moska shpalli Donetsk, Luhansk, Zaporizhia dhe Kherson “territoret e saj”, duke shkaktuar një protestë ndërkombëtare.
Discussion about this post