Kreu i LZHK-së, Dashamir Shehi, gjatë fjalës së tij në Kuvend komentoi deklaratat e ministres së Financave për shifrat lidhur me rritjen e ekonomisë. Ndërsa tha se as Kina nuk është rritur kështu, Shehi tha se këto shifra nuk janë reale. “Dëgjova ministren që tha se ekonomia është rritur. Po kush jemi ne? As Kina nuk është rritur kështu. Vërtet mund të rriten brenda një tre mujorë në 30%. Por nuk është kjo ekonomia reale. Ç’janë këto shifra qe iu tregojmë shqiptarëve. Kjo është një temë që duhet marrë seriozisht”,tha Dashamir Shehi.
Shehi është ndalur tek projektligji kundër pastrimit të parave, që është sjellë në Kuvend për miratim, duke thënë se në sot kemi një ekonomie të ngritur në mënyrë të pistë. “Është një ekonomi e pisët që po ndërton një flluskë të madhe, e cila do të shkatërrojë edhe pjesën tjetër të ekonomisë. Këta që po dëgjojnë këtë lloj fjalimi do thonë çka ky budallai me paratë, lere të punojnë njerëzit të pasurohen, kështu kemi thënë edhe në ’97”, tha ai. Më tej, ai u ndal edhe tek sektori i ndërtimit, që sipas tij po shkatërron pjesën tjetër të ekonomisë
Discussion about this post