Një ngjarje e pazakontë është shënuar në qytetin e Pogradecit, është shënuar disa ditë më parë pasi një bankomat i një banke të nivelit të dytë ka pasur një defekt dhe për pasojë ka nxjerrë tek qindra klientë më shumë para kur kanë bërë tërheqje.
Sipas të dhënave një pjesë e madhe që kanë tërhequr pagat iu kanë dalë 60 mijë lek të vjetra më shumë.
Ka qenë vetë banka që e ka konstatuar problemin edhe pse me qindra rrogëtarë kishin marrë më shumë para dhe më pas janë telefonuar për t’i kthyer mbrapsht në bankë.
Nuk dihet se sa është shuma totale e shpërndarë gabim dhe nëse paratë janë kthyer të gjitha pas.
Discussion about this post