Erzeni ka triumfuar 2-1 në përballjen nga Dinamo City, e cila u luajt në Rrogozhinë. Kjo ishte fitorja e parë e Erzenit në këtë sezon, ndërsa takimi ka nisur me polemika, pasi ekipi i Shijakut pretendoi për një 11 metërsh, pas rrëzimit të Peposhit në zonë.
Në minutën e 26-të, Maliqi shfrytëzon në mënyrë perfekte një top të ardhur nga krahët, teksa me një goditje të bukur dërgon sferën pas shpinës së portierit dinamovit.
Erzeni shkoi në dhomat e zhveshjes në avantazh, por fillimi i pjesës së dytë nuk do ishte i mirë për ta, pasi Zabërgja vendosi ekuilibrat, duke rikthyer edhe një herë gjithçka nga fillimi.
22-vjeçari finalizoi me sukses një aksion me shumë pasime, për t’i dhënë kështu skuadrës zemër për pjesën e mbetur të takimit.
12 minuta nga fundi, portieri i Dinamo City shkakton 11-metërsh pas një ndërhyerje të gabuar ndaj kundërshtarit.
Kahrimanovic shndërroi në gol penalltinë,duke ndezur festën e madhe te Erzeni. Skuadra e Deliallisit renditet në vendin e pestë ndërsa djemtë e Di Biagos janë në vendin e tetë.
Discussion about this post