Operacioni antidrogë “Tempulli” është cilësuar nga kreu i PL-së, Ilir Meta, si një përpjekje e madhe propagandistike, për të tërhequr vëmendjen nga arrestimi i Amant Josifit në Dubai.
Në fjalën e mbajtur në Kryesinë e PL, Meta tha se operacioni policor shërbeu për të shmangur vëmendjen nga arrestimi nga autoritetet spanjolle të Amant Josifit.
“Pamë një operacion për disa orë të tëra për rreth 300 te arrestuar për shkak të angazhimit të tyre në trafikimin dhe shpërndarjen e drogës. Ajo që ishte interesante nga ky operacion ishte fakti i një drejtësie me regji dhe një qeverisje me regji.
Një përpjekje e madhe propagandistike, për të shmangur një lajm të rëndësishme, arrestimin nga autoritetet spanjolle të një ish-këshilltari të ish-ministres së Mbrojtjes dhe ish-partner i vëllait të kryeministrit, për një aferë të përmasave 2.4 miliard euro, ku epiqendra sipas mediave te huaja, ishte Shqipëria.
Atë që se bëri shteti i kapur nga Edi Rama e bënë autoritetet spanjolle, pasi atje ka vullnet për të goditur krimin e organizuar. Kjo tregon se kush është i lidhur me kreun e qeverise gëzon anashkalimin e drejtësisë dhe institucioneve të së drejtës.
Ndërsa qytetarët që nuk kanë mundur të paguajnë dritat, ndëshkohen me zell të zakonshëm , ashtu si ata 70 e ca vjeçarët që u ndaluan dhe akuzuan për shpërndarjen e drogës”, deklaroi Meta.
Discussion about this post