OSBE ka vlerësuar me çmim investigimin e gazetares, Arbjona Çibuku nga Citizens Channel, me titull “Pylli orbital i Tiranës është 200 vite larg”.
Shkrimi është botuar 27 prill 2023, rreth 3 javë para zgjedhjeve vendore, ndërsa ai fakton mashtrimet e kryebashkiakut Erion Veliaj lidhur me pyllin orbital.
“Projekti strategjik “Metrobosco”, i njohur si pylli orbital është pjesë e planit urbanistik Tirana 2030, përgatitur nga arkitekti italian Stefano Boeri. Ky plan parashikon ngritjen e një “kufiri-hijebërës” prej 2 milionë pemësh frutore e parqesh rreth qytetit, që do të shërbente për të kufizuar ndërtimet dhe konsumin e tokës.
Citizens Channel e ka ndjekur në vazhdimësi ecurinë e punës për krijimin e pyllit orbital. Në një investigim të publikuar një vit më parë, u zbulua se Agjencia e Parqeve dhe Rekreacionit (APR), në katër vite kishte mbjellë në total 58,000 pemë, pra një mesatare prej 1,208 pemësh në muaj.
Ky ritëm ka rënë në 19 muajt e fundit, pasi gjatë kësaj periudhe APR njofton se ka arritur të mbjellë vetëm 2,987 pemë dhe shkurre, me një mesatare që ka rënë drastikisht në vetëm 157 pemë në muaj”, thuhet në artikull.
Në vijim, duke publikuar edhe një reagim nga institucioni që drejtohet nga Veliaj, në artikull thuhet “Bashkia Tiranë tha se nga fillimi i aplikimit të planit e deri më tani janë mbjell gjithsej 60,987 dru dhe shkurre”.
“Nëse do të marrim në konsideratë ritmin e gjashtë viteve të fundit (rreth 10,000 pemë në vit), Bashkisë Tiranë do i duheshin 200 vjet për të mbjellë dy milion pemët e premtuara në pyllin orbital.
Ndërkohë, në datën 26 mars, Kryetari i Bashkisë së Tiranës mbajti një ceremoni ku mbolli pemën e 1 miliontë dhe tha: “Në 2015 thamë se do të mbjellim 2 milionë pemë deri në 2030 dhe jemi vetëm në gjysmë të këtij misioni të jashtëzakonshëm”.
Dështimi për realizimin e projektit të “Pyllit Orbital”, konfirmohet edhe nga Kontrolli i Lartë i Shtetit. Një auditim i bërë në vitin 2022 theksoi se ky projekt rezulton me nivel shumë të ulët realizimi, për shkak të pamundësive financiare dhe mungesës së hapësirës së nevojshme për mbjellje.
Nëse 1 milionë pemët e mbjella nuk janë pjesë e pyllit orbital, ato duhet t’i përkasin një tjetër plani strategjik të Bashkisë Tiranë. Projekti Strategjik 03, i Planit “Tirana 2030”, premton krijimin e dy unazave të gjelbra brenda qytetit. Unaza e gjelbër parashikohet të jetë e dedikuar për këmbësorët, çiklistët dhe lëvizshmërinë në shina”, thuhet në artikull.
Investigimi që u vlerësua me çmim nga OSBE, rrëzon propagandën që herë pas here kryebashkiaku I Tiranës, përdor sa herë ndodhet në vështirësi apo sa herë I duhet për të grumbulluar votat për mandatin e rradhës.
Dhe përgjigjen më të mirë, kryebashkiaku Veliaj e mori sot nga OSBE, që vlerësoi me çmim artikullin investigues mbi mashtrimet e herëpashershme të lali Erit me projektet e gjelbërimit në Tiranë.
Discussion about this post