Nuk pati fitues në “Olimpiko” aty ku skuadra e Lacios barazoi me rezultatin tenistik 4-4 ndaj Udinezes. Plot 8 gola dhe tre kartona të kuq.
Miqtë shënuan dy gola përpara se Imobile të ngushtonte diferencat. Megjithatë në fundin e pjesës së parë Molina realizoi edhe golin e trete për friulianët. Në fillimin e pjesës së dytë Lacio shënoi golin e dytë me Pedron teksa Saviç riktheu ekuilibrat megjithatë Patric la vendasit me 10 futbollistë.
Në minutën e 69 Molina u ndëshkua më karton të kuq nga Udineze duke barazuar forcat në fushë. Në minutën e 79 Acerbi kaloi në avantazh Lacion por në radhët e bardhekaltërve nuk i kishin bërë mirë llogaritë pasi Udineze barazoi në minutat shtesë teksa u ndëshkua me një tjetër karton të kuq. Një rezultat që nuk e kënaq aspak skuadrën e trajnerit Sarri teksa në këtë ndeshje luajti si titullar Hysaj por jo Strakosha.
Discussion about this post