Ramush Haradinaj, ka folur dje në një interviste televizive në lidhje me traun e vendosur në kufirin mes Shqipërisë dhe Kosovës. Haradinaj tha se kishte shkuar që të hiqte kufirin mes Kosovës dhe Shqipërisë, por që e kishte ndaluar ish-ministri i Punëve të Brendshme të Shqipërisë i asaj kohe, Sandër Lleshaj.
Haradinaj tregoi se, Lleshaj i kishte thënë se po ta largonte atë kufi, Shqipëria do të humbte të drejtën e udhëtimit pa viza nëpër vendet e BE-së. “Me Shqipërinë duhet bashkëpunim konkret. Të ikim kësaj idesë që të shkojmë t’i bëjmë disa lajme me një takim. Kufiri do të mbetet aty. A e dini pse nuk hiqet. Kam shkuar me bagera me hek, ka ardhur Sandër Lleshi më ka thënë të lutem kryeministër mos na bëjë këtë. E pyeta pse? Sepse më tha se na ndalin liberalizimin dhe na ngujojnë përsëri. Nëse e do këtë atëherë vazhdo. Andaj ka mbetur ajo pikë kufitare aty”, tha Haradinaj. Ai shtoi më tej se, Shqipërinë duhet të lidhet marrëveshja e mbrojtjes së përbashkët. Haradinaj tha se dy vendet duhet të bashkëpunojmë më shumë me njeri-tjetrin.
Discussion about this post