Një ngjarje e rëndë është regjistruar gjatë vizitës zyrtare të Papa Françeskut në Qipro, ku një person ka tentuar ta qëllojë më thikë, pak para se të niste Liturgjia Hyjnore.
Mësohet se, një person nga turma që kishte dalë për ta pritur Papën në Qipro, ka tentuar të kalojë gardhin rrethues dhe të sulmojë me thikë atë, por fatmirësisht është ndalur nga autoritetet e sigurisë.
Si pasojë e këtij incidenti, një grup ortodoksësh kanë kërkuar largimin e Papës nga Qipro.
“Këtu në Qipro marr frymë nga atmosfera tipike e Tokës së Shenjtë ku lashtësia dhe shumëllojshmëria e traditave të krishtera e pasurojnë pelegrinin”, tha Papa Françesku, në fund të Liturgjisë Hyjnore.
Papa Françesku po zhvillon një vizitë zyrtare në Qipro, teksa është pritur nga Kryepeshkopi i Qipros, Chrysostomos.
Discussion about this post