Fatos Imeraj 31 vjeçari shqiptar është ndaluar nga policia për thyerjen e urdhërit të dëbimit. Për shqiptarin nuk është hera e parë që ndalohet dhe dëbohet nga vendet e Mbretërisë së Bashkuar.
Fatos Imeraj është ndaluar nga Policia e Carddiff në 31 Gusht pas një kontrolli rutinë dhe më pas është evidentuar që ka thyer disa urdhëra dëbimi. Shqiptari është justifikuar me faktin se e ka thyer urdhërin për të takuar gruan dhe fëmijët e tij që jetojnë në Carddiff.
Të premten përpara Gjykatës së Kurorës së Cardiffit i pandëhuri Imeraj është informuar për masën e arrestit pas thyerjeve të urdhërit të dëbimit. Disa muaj më parë ai u gjet në Dover, ku kishte hyrë ilegalisht në Britani dhe u rikthye në burg.
Gjatë kohës së burgimit, Imeraj ka tentuar të kërkojë azil. Pas lirimit të tij ai aplikoi për leje për të qëndruar në Britani deri në vitin 2024.
Prokurorja Sarah Iles tha se vendimi për t’i dhënë leje të pandehurit ishte një gabim nga Ministria e Brendshme dhe ai u deportua përsëri në Shqipëri.
Dy muaj më vonë, Imeraj bëri një tjetër përpjekje për të hyrë në Britaninë e Madhe nëpërmjet Brukselit, por u ndalua nga Forcat Kufitare.
Discussion about this post