Kryetari i grupit të këshilltarëve të Partisë së Lirisë në Bashkinë e Tiranës, Endrit Braimllari ka akuzuar kryebashkiakun e Tiranës, Erion Veliaj se po abuzon me taksën e infrastrukturës arsimore, e cila rëndon mbi qytetarët dhe bizneset e Tiranës.
Braimllari shkruan se Veliaj propagandon me të madhe mbi ndërtimin e shkollave të reja në Tiranë, por që me taksën e infrastrukturës arsimore të bashkisë së Tiranës e cila është 45 milion duhet të ishin ndërtuar 17 shkolla ndërkohë që rezultojnë vetëm 9.
Më poshtë Braimllari shton se Veliaj ka frikë të tregojë të vërtetën se pse këto para që qytetarët dhe bizneset i paguajnë nuk shkojnë të gjitha në këtë fushë por në xhepat e kryetarit të bashkisë.
Postimi
Erion Veliaj duhet të bëj transparente të ardhurat mbi taksën e infrastrukturës arsimore, e cila rëndon drejtpërdrejt mbi qytetarët dhe bizneset e Tiranës.
Erion Veliaj propagandon me të madhe mbi ndërtimin e shkollave të reja në Tiranë.
Taksa e infrastrukturës arsimore fut në buxhetin e bashkisë Tiranë 45 milion euro dhe deri në vitin 2022 duhet të ishin ndërtuar 17 shkolla ndërkohë rezultojnë vetëm 9 të ndërtuar.
Mungesa e transparencës dhe llogaridhënies nga Erion Veliaj tregon qartë se ai ka frikë nga e vërteta sepse këto para që qytetarët dhe bizneset i paguajnë për infrastrukturën arsimore në Tiranë nuk shkojnë të gjitha në këtë fushë por në xhepat e kryetarit të bashkisë.
Discussion about this post