Gjykata deklaron Trump përgjegjës për mashtrim. Pasuria në pikëpyetje

Një gjykatës i Nju Jorkut ka gjetur Donald Trump dhe djemtë e tij të rritur përgjegjës për mashtrim dhe ka anuluar certifikimin e biznesit të Organizatës Trump, duke thënë se Trump-ët kanë dhënë pasqyra financiare false për afërsisht një dekadë.

Vendimi i gjyqtarit Arthur Engoron erdhi disa ditë përpara se çështja civile që përfshin zyrën e Prokurorit të Përgjithshëm të Nju Jorkut dhe ish-presidentin, të shkonte në gjyq.

Engoron miratoi kërkesën e Prokurores së Përgjithshme Letitia James për gjykim të përmbledhur, duke gjetur se Trump, djemtë e tij dhe të tjerët “të jenë përgjegjës si çështje ligjore për shkelje të vazhdueshme” të ligjit të shtetit të Nju Jorkut. Ai gjeti se pasqyrat financiare që Trumpët u dhanë huadhënësve dhe siguruesve për rreth një dekadë, ishin të rreme dhe tha se ata vazhdimisht ishin përfshirë në mashtrime.

Vendimi është një goditje për Trump dhe një refuzim i plotë i argumenteve të tij se ai nuk ka fryrë vlerat e fushave të tij të golfit, hoteleve, shtëpive në Mar-a-Lago dhe Seven Springs në pasqyrat financiare që janë përdorur në mënyrë të përsëritur në biznes.

“Sot, një gjykatës vendosi në favorin tonë dhe zbuloi se Donald Trump dhe organizata Trump ishin përfshirë në vite mashtrimesh financiare”, tha James në një deklaratë të martën mbrëma. “Ne mezi presim të paraqesim pjesën tjetër të çështjes sonë në gjyq”.

Prokurori i Përgjithshëm ka kërkuar 250 milionë dollarë dëmshpërblim, një ndalim për Trump që të shërbenin si oficerë të një biznesi në Nju Jork dhe për të ndaluar kompaninë nga përfshirja në transaksione biznesi për pesë vjet.

Gjykatësi anuloi certifikatat e biznesit të subjekteve Trump që janë të pandehur në këtë rast, duke përfshirë Organizatën Trump, dhe tha se do të vendoset një marrës për të “menaxhuar shpërbërjen” e entiteteve të korporatës. Janë dy prona në Nju Jork që janë pjesë e padisë, kulla tregtare në 40 Wall Street dhe kompleksi i familjes Trump në Seven Springs.

Megjithatë, gjerësia e plotë e vendimit të tij mbetet e paqartë.
Mbeten ende dilemë se si marrësi do t’i shpërndante pronat, nëse vendimi do të ndikonte në pronat e vendosura jashtë shtetit të Nju Jorkut, duke përfshirë Mar-a-Lago, dhe nëse Trumps mund të transferonte asetet me bazë në Nju Jork në një kompani të re të vendosur jashtë shteti.

Ndër të tjera, Trump akuzohet se ka fryrë vlerën e apartamentit të tij triplex në Trump Tower me tre herë madhësinë e tij, duke rezultuar në një mbivlerësim prej 114 milionë deri në 207 milionë dollarë, shkroi Engoron.