Të tjera pamje janë publikuar nga mediat në Kosovë lidhur me kapjen e terroristëve serbë nga Policia e Kosovës.
Indeksonline ka publikuar disa foto që tregojnë momentet kur Forcat Speciale të Kosovës ndërhyjnë në manastirin e Banjskës pas sulmit të një grupi të armatosur ndaj policisë. Në foto duket një prej terroristëve, që ka mbetur i plagosur dhe më pas është kapur nga forcat speciale.
Sulmi i organizuar i terroristëve serbë ndaj Policisë së Kosovës shkaktoi një rreshter të vrarë dhe një tjetër të plagosur.
Këtij sulmi, Policia e Kosovës iu kundërpërgjigj me të njëjtën formë, ku nga të shtënat arriti të vrasë 3 pjesëtarë të grupit serb dhe të arrestojë 3 të tjerë. Disa prej të arrestuarve, së pari u neutralizuan nga policia dhe më pas u shoqëruan në stacion policor.
Pasi lokalizoi vendin e ngjarjes, Policia e Kosovës arriti të gjejë një sasi të madhe armatimi. Ministri i Brendshëm Xhelal Sveçla tha se vlera e armatimit kap vlerën e rreth 5 milionë eurove.
Discussion about this post