Është krijuar Sekretariati Koordinues Ndërqeveritar, i cili do të ndjekë zbatimin e marrëveshjeve midis qeverisë së Kosovës dhe Shqipërisë. Kryeministri Edi Rama deklaroi në mbledhjen e dy qeverive para një jave se nga ky sekretariat pritet që të raportohet çdo problematikë që shfaqet rrugës. Gentian Sala, ish-kryetar i Autoritetit të Mediave Audiovizive në Shqipëri, do të drejtojë Sekretariatin.
“E dakordësuam që në Prishtinë me kryeministrin është krijimi i Sekretariatit Koordinues Ndërqeveritar, i cili do të jetë një ndjekës në detaje i zbatimit të marrëveshjeve të nënshkruara dhe do të raportojë pranë dy zyrave të kryeministrave, për çdo problematikë që shfaqet rrugës në mënyrë që të realizojmë atë që na ka munguar në të shkuarën, shpejtësinë e ndërveprimit për të arritur rezultatet”, u shpreh Rama para një jave.
VE N D I M
PËR
MIRATIMIN E PROTOKOLLIT TË BASHKËPUNIMIT, NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË REPUBLIKËS SË KOSOVËS, PËR KRIJIMIN E SEKRETARIATIT KOORDINUES NDËRQEVERITAR
Në mbështetje të nenit 100 të Kushtetutës dhe të nenit 19, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e ministrit për Evropën dhe Punët e Jashtme, Këshilli i Ministrave
V E N D O S I:
Miratimin e protokollit të bashkëpunimit, ndërmjet Këshillit të Ministrave të Republikës së Shqipërisë dhe qeverisë së Republikës së Kosovës, për krijimin e Sekretariatit Koordinues Ndërqeveritar, sipas tekstit që i bashkëlidhet këtij vendimi.
Ky vendim hyn në fuqi pas botimit në “Fletoren zyrtare”.
Discussion about this post