Lulzim Basha, i cili prej pak muajsh ka marrë drejtimin e PD-së së vulës, edhe pse nuk njihet si kryetar nga grupimi që drejtohet nga Gazment Bardhit dhe Rithemelimi i Sali Berishës, njoftoi sot se ka përjashtuar nga Grupi Parlamentar 11 deputetë demokratë.
Të gjithë emrat që përfshihen në listën e të përjashtuarve janë deputetë që prej disa muajsh apo dy vitesh nuk e njohin Bashën si kryetar, madje kanë artikuluar ndaj tij një seri akuzash.
Përtej vendimit, që në media u paraqit si një vendim Kryesie, ajo që tërhoqi vëmendjen dhe e ktheu shkresën që mban emrin dhe firmën e Lulzim Bashës në virale në rrjet, ishte ora e depozitimit të saj në Kuvendin e Shqipërisë.
Ora se kur është dorëzuar shkresa është 02:20 e mëngjesit, ndërsa vendimi është marrë në 26 shtator.
Nuk dihet se çfarë ka pasur në mendje Basha kur ka urdhëruar depozitimin e shkresës në një orë të tillë, por sigurisht që në selinë e Kuvendit do ketë gjetur punonjësin e Gardës, të cilit i është dorëzuar zarfi me vendimin brenda tij.
Më poshtë mund të shihni edhe shkresën që qarkullon në rrjet dhe që ka shërbyer si meme e rradhës.
Discussion about this post