I Ngarkuari me Punë i SHBA në Tiranë, Davis Wisner, është takuar sot me kreun e SPAK, Altin Dumanin, prokurorët e Prokurorisë Speciale dhe hetuesit e BKH.
Në një postim në rrjetet sociale të Ambasadës Amerikane thuhet se SPAK po bën përparim mbresëlënës në objektivat e Shqipërisë për reformën në drejtësi.
“Sot, i Ngarkuari me Punë David Wisner dhe kolegët e Ambasadës së SHBA-së që mbështesin sektorin e drejtësisë u takuan me Kryeprokurorin e Posaçëm të SPAK-ut Altin Dumani, prokurorët e SPAK-ut dhe hetuesit e BKH-së që po punojnë për të çrrënjosur krimin e organizuar dhe korrupsionin në Shqipëri.
Puna e SPAK dhe të tjerëve në sektorin e drejtësisë kërkon guxim, integritet dhe pasion të jashtëzakonshëm. Z. Ëisner përcolli vlerësimin e Shteteve të Bashkuara për punën e SPAK, duke theksuar se ai ka mbështetjen tonë të plotë për të kryer misionin e tij në emër të popullit shqiptar”, thuhet në njoftimin zyrtar.
E ndërkohë që janë publikuar një seri fotosh zyrtare nga takimi, bie në sy njëra prej tyre, kur fashikuj të dosjeve, nuk dihen nëse janë dokumente hetimorë ose jo, ndodhen në dysheme. Dhe nëse janë dosje hetimore mjafton të shikohet volumi i tyre për të kuptuar se çfarë mund të ndodhë në ditët apo javët në vijim ndaj personave që po kalojnë në lupën e SPAK.
Discussion about this post