Georgina Rodriguez me stil të veçantë në Javën e Modës në Paris

Georgina Rodriguez ka qenë pa dyshim, një nga të ftuarat më të shquara në sfilatën ‘Loewe’ të mbajtur në kuadër të Javës së Modës në Paris 2023.

Shtëpia ka prezantuar koleksionin e saj Pranverë-Verë 2024 në Chateau of Vincennes dhe madrilenja ka marrë vëmendje me një pallto me shkëlqim, syze dielli dhe me çizme më ekstravagante.

Ajo ka zënë rreshtin e parë përkrah personazheve të famshëm si Kris Jenner, Mafalda nga Bullgaria dhe Emily Ratajkowski.

Shumë prej fansave të Georgina Rodriguez u është kujtuar Trinity në ‘The Matrix’ kur panë imazhet e yllit të veshur me një pallto me shkëlqim.

Megjithatë, ajo që ka tërhequr më shumë vëmendje kanë qenë padyshim çizmet e Loewe.

Janë modeli Toy, vlerësohen 2000 euro dhe tashmë janë në shitje dhe në dispozicion përmes faqes zyrtare të firmës franceze.

Me çizmet unike, Georgina ka sjell modelin e vjeshtës dhe i ka dhënë lamtumirën përfundimisht verës pavarësisht rritjes së temperaturave ditët e fundit.

Ajo e ka dëshmuar se është një gjuetare trendesh dhe ka qenë përpara sezonit me një dizajn që i ka vënë flakën rrjeteve dhe nuk ka kaluar aspak pa u vënë re.

https://www.instagram.com/p/Cx0DPzvsFxh/?utm_source=ig_web_copy_link