Drejtonte mjetin i dehur, përplasi edhe një Benz, 27-vjeçari e pëson keq

Një 27-vjeçar u arrestua nga Policia pasi dyshohet si shkaktar i një aksidenti, ndërsa drejtonte mjetin në gjendje të dehur. Policia njoftoi se arrestoi shtetasin D.S, 27 vjeç, banues në Patos.

“Specialistët e Sektorit të Qarkullimit Rrugor të DVP Fier arrestuan shtetasin D. S., 27 vjeç, banues në Patos, pasi në qytetin e Patosit duke drejtuar automjetin tip “Volkswagen”, në gjendje të dehur, është përplasur me një automjet tip “Benz” dhe është larguar nga vendngjarja”, njofton Policia.