Aksident në Vlorë/ Plagoset 42-vjeçarja

Një aksident ka ndodhur mbrëmjen e sotme në aksin Vlorë – Kuç, në afërsi të fshatit Drashovicë.

Shtetasi 52 vjeçar, duke drejtuar automjetin tip “Benz”, dyshohet se ka humbur kontrollin dhe për pasojë mjeti ka dalë nga rruga.

Si pasojë e këtij aksidenti, është lënduar shtetasja 42 vjeçare, pasagjere, e cila ndodhet në spitalin e Vlorës, jashtë rrezikut për jetën.

Vlorë/Informacion paraprak

Rreth orës 18:00, në aksin rrugor Vlorë-Kuç, në afërsi të fshatit Drashovicë, shtetasi I. L., 52 vjeç, duke drejtuar automjetin tip “Benz”, dyshohet se ka humbur kontrollin mbi drejtimin e mjetit dhe  si pasojë mjeti ka dalë nga rruga.

Si pasojë është dëmtuar pasagjeria në këtë mjet, shtetasja M. L., 42 vjeçe, e cila ndodhet në spitalin e Vlorës, jashtë rrezikut për jetën.

Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.