Gazetari Sokol Bregu e konsideroi Laert Haxhiun një personazh mjaft të frikshëm. Në emisionin “Open”, Bregu tha se Laert Haxhiu nuk ishte një vrasës me pagesë.
“Nuk ka kryer vrasje me pagesë, sikundër i bënte Dumani. Laerti është një personazh që reagoi për tu hakmarrë, pasi atë i vranë djalin e xhaxhait, i dogjën shtëpinë, i morën pronat, i rrahën motrën në mes të qytetit. Pra nuk shkoi krimi dhe ti ofronte para dhe ai vriste. Jo, shikoni edhe dy vrasjet që pohohen ai ka ndihmuar shokët e tij. Fakti që ai nuk vepron me pagesë e bën dy herë më të frikshëm.
Shikoni rastin e tritolit në biznesin e Noizyt. E mori nëna e shokut të fëmijërisë, i tha që po e rrahin djalin. Brenda natës Laert Haxhiu urdhëroi dhe i vunë tritol Noizyt”, tha Bregu.
Në vijim ai u shpreh se personat për të cilat thuhet se ka dashur t’I vrasë Laert Haxhiu duhet të kalojnë në alarm për jetën vetëm nëse Greqia vendos ta lirojë nga burgu.
“Është një personazh që nuk vepron kundrejt pagesave, pra nuk pret që ta paguajë dikush edhe të veprojë. Kjo e bën dy herë më të rrezikshëm si personazh, pasi e dallon nga të tjerët në veprim. Mendoj se prokurorja e SPAK, apo ajo e Lushnjes apo edhe avokati, duhet të vihen në alert vetëm nëse Laert Haxhiu del nga burgu në Greqi”, tha Bregu.
Sipas tij, Laert Haxhiu ka bërë vrasjet për hakmarrje, ka vepruar për tu hakmarrë. “Jam i bindur që Laert Haxhiu do të dalë nga burgu në Greqi, pasi ka kontaktuar avokatin më të mirë të Janinës. Jam i bindur që Greqia nuk e ekstradon në Shqipëri. Laert Haxhiu vret në mënyrë individuale, të gjitha i ka kryer vetë”, tha Bregu. Sipas tij, Laert Haxhiu kërkon të vrasë prokuroren se i ka dënuar dy miqtë e tij, pra për hakmarrje.
Discussion about this post