Shqiptaret po i drejtohen kutive te votimit per te zgjedhur qeverine e re per kater vitet e ardhshme. Sot eshte nje dite e shenuar per demokracine ne Shqiperi por edhe nje test real per procesin dhe formen e votimit pas ndryshimeve te reformes zgjedhore. Parlamenti votoi pak muaj me pare me 97 vota pro ndryshimet ne kodin zgjedhor. Risia konsiston ne faktin e listave te hapura ku secili votues ka te drejte te zgjedh kandidatin qe ai deshiron i cili mbart nje numer specifik identifikues.
Reforma konsiderohej kyçe jo vetëm për demokracinë në vend, por edhe integrimin dhe kërkesë specifike e faktorit ndërkombëtar.
Në ndryshimet në Kodin Zgjedhor përcaktohet se pragu kombëtar do të jetë 1 %, do të ketë ri-renditje të pjesës së parë të listës së kandidatëve bazuar tek vota preferenciale e qytetareve, kryetari do të garojë në 4 zona zgjedhore njëkohësisht dhe se për të kaluar pragun e listës, kandidatëve iu eshte vendosur prag tavan 10 mijë vota si dhe heqja e koalicioneve të përbëra dhe kandidimi me listë unike.
Sipas formulës së PS, shpërndarja e mandatit fillon sipas renditjes së kandidatëve nga i pari tek i fundit, në bazë të listës që ka bërë kryetari i partisë. Renditja e kandidatëve ndryshon vetëm nëse kandidati ka marrë një numër votash parapëlqyese më të madhe se herësi, që del nga pjesëtimi i numrit të votave të subjektit me numrin e mandateve të fituara, por jo më shumë se 10 mijë vota. PSH: Nëse në Korçë herësi për një deputet të PS është 11 mijë vota dhe PS ka marrë 5 deputetë, kandidati poshtë listës fituese duhet të marrë te pakten 10 mijë e një vota për tu bërë deputet dhe të ketë më shumë vota se kandidatët e listës fituese.
Hersi ose ndryshe mesatarja e numrit të votave, që duhet për të zgjedhur një deputet në rastin e draftit të PS prej 10 mijë votash do të vleje vetëm për ato qarqe që mandati i deputetit i kalon 10 mijë votat. PSH: Nëse në Vlorë, ku herësi është 8 mijë vota dhe PS ka fituar 5 deputetë, kandidati që është poshtë listës fituese duhet të marrë 8 mijë e 1 vota preferenciale për të shkuar në listën fituese. Ky rregull nuk zbatohet vetëm nëse kandidati me më pak vota i përket gjinisë së përfaqësuar, duke siguruar kështu edhe kuotën gjinore. Kreret e partive jane te vetedijshem per sproven e ketij procesi qe eshte lancuar ne Shqiperi duke hapur nje epoke dhe cikel te ri ne zgjedhjet parlamentare ne vend.
