Një video, e publikuar nga JOQ, qarkulloi në rrjet dhe media, ndërsa në të shfaqej një mësuese gjimnazi që kapte për flokësh një nxënëse.
Në denoncim thuhej se mësuesja përdorte dhunë ndaj nxënësve, i godiste me vizore dhe në kokë.
Por në një reagim, Policia sqaron se mësuesja dhe nxënësja kanë raporte shumë të mira dhe video nishte një shaka.
Në fakt, në fundin e videos, është një detaj që tregonte sesi edhe nxënësja edhe mësuesja qeshnin, ccka hidhte poshtë denoncimin.
“Në lidhje me një video të publikuar ditën e sotme, në portalin “JOQ”, ju sqarojmë se:
Menjëherë pas publikimit të pamjeve filmike është marrë kontakt me shtetasen R. Sh., mësuese në një shkollë në Farkë, dhe nxënësen që shfaqet në video, për sqarimin e rrethanave në të cilat është filmuar videoja.
Nxënësja që shfaqet në video, është pyetur në prezencë të prindërve të saj, psikologes së shkollës, si dhe punonjëses për mbrojtjen e fëmijëve, e cila ka pohuar se videoja është filmuar në tetor 2022, dhe me mësuesen kanë raporte shumë të mira e në asnjë moment mësuesja në fjalë, nuk ka ushtruar dhunë ndaj saj, por videoja është filmuar për shaka.”,- thuhet në njoftimin e policisë.
Discussion about this post