Dëshmia e të penduarit Marjus (Artan) Tafani mbi krimet e grupit të Laert Haxhiut, i cili ndodhet në një burg të Greqisë, ndërsa autoritetet shqiptare kërkojnë ekstradimin, vijon të tërheqë vëmendjen e opinionit, ndërsa ccështja pritet të kalojë zyrtarisht nga Prokuroria e Elbasanit në SPAK për tu hetuar në vijimësi.
Tafani zbuloi disa nga vrasjet e bujshme në vend, që sipas tij, ishin urdhëruar nga Laert Haxhiu. Në dëshminë e tij, thuhet se Haxhiu kishte shënjestruar edhe dy prokurore dhe një avokat. Një nga prokuroret është pjesë e SPAK, ndërsa tjetra është prokurore e Lushnjes, e shkarkuar nga KPK pak muaj më parë.
Mbrëmjen e sotme në emisionin “Në Shënjestër”, gazetari Eni Ferhati u shpreh se arsyeja se përse mund të mos jenë kryer vrasja e dy prokuroreve nga Laert Haxhiu është se ai nuk ka dashur të rëndojë më shumë pozitën e tij.
“Ai është tërhequr vetëm për shkakun që nëse do t’i hynte dhe kësaj loje, pra të ngrinte dorën ndaj dy prokuroreve, do t’i hynte një tjetër valleje, dhe ekstradimi i tij nga Greqia do të ishte formalitet.
Vrasja e Xhaferrajt tregon më shumë për personalitetit e Haxhiut. Fakti që ka ekzekutuar në mënyrë makabre kushëririn e tij, ka dashur të përçojë dhe një mesazh brenda grupit të tij, duke u lënë të kuptohet se nëse ‘mendoni të më shisni, do keni të njëjtin fat’”, tha Eni Ferhati.
Discussion about this post