Një ngjarje e rëndë ka ndodhur tre ditë më parë, ku një i mitur 3-vjeçar, ka ndërruar jetë, pas ndërhyrjes dentare që kishte bërë në një prej klinikave private në Tiranë.
Fëmija humbi jetën 3 ditë pasi qëndroi në reanimacionin e pediatrisë, ku sipas raportimeve u shtrua pasi gjendja e 3-vjeccarit u përkeqësua disa orë pas ndërhyrjes që pati për rregullimin e dhëmbëve.
Ngjarja u bë publike vetëm pas denoncimit që familjarë të vogëlueshit kanë bërë ndaj mjekut Roland Xhaxho, i cili mendohet se i ka kryer anestezinë e përgjithshme fëmijës përpara se të niste ndërhyrja dentare.
Vogëlushi që ka humbur jetën është Brian Spahiu, ndërsa familjarët e tij akuzojnë jo vetëm për pakujdesi por edhe për fshehje të ngjarjes.
Sipas familjarëve i vogli i është nënshtruar ndërhyrjes në klinikën dentare për 9 orë, dhe për shkak të injektimit të lartë të narkozës, i është prekur mëlçia, e si pasojë ka humbur jetën.
Mes shumë reagimesh, ishte dhe ai i aktores Eliona Pitarka, e cila mes lotësh tregoi se një vit më parë kishin dërguar nipin tek klinika dentare e mjekut Roland Xhaxho, dhe se pasi e kishin marrë në shtëpi, i ishte dashur 5 orë që t’i dilte narkoza.
Ajo shton se edhe pse kanë telefonuar mjekun dhe recepsionin, askush nuk i është përgjigjur.
“Para një viti kemi dërguar nipin tonë në atë klinikë. Pas narkozës që i ka aplikuar nipit tim për mbushjen e kësaj dhëmballe te kjo klinikë, iu desh 5 orë që të zgjohej.
Pasi është zgjuar nipi kishte marrje mendsh, fliste përçart, ka vjellë. Dhe ajo klinikë asnjëherë nuk na u përgjigj në telefon për të na thënë nëse kjo ishte normale. Dhe pengu im më i madh është që nuk e bëra publike atë rast.
Dhe them peng sepse kur i tregova rastin tim babait të 3 vjeçarit tha: “Ku ta dija unë se ku e çova djalin. Nëse do e dija nuk e kisha çuar”. Dhe ndjehem fajtore që nuk e bëra publik rastin”, thotë ajo mes lotësh.
View this post on Instagram
Discussion about this post