Kryeministri Edi Rama dhe ish-Kryeministri Sali Berisha u përfshinë në një përplasje në distancë lidhur me Kosovën.
E ndërsa Rama ndodhet në Spanjë në një takim të komunitetit politik europian, deklarata e tij për Kosovën, ka sjellë reagimin e Berishës nga salla e Kuvendit.
Rama tha se Shqipëria nuk është për të mbajtur iso për çdo gjë që thuhet dhe analizave që bëhen në Prishtinë, është për të qenë në funksion të Kosovës dhe të njohjes së pavarësisë së Kosovës.
“Shqipëria ka bërë më shumë se kurrë ndonjëherë për Kosovën”, tha Rama.
Ndërkohë, Berisha e ka cilësuar deklaratën e Ramës si atë të zëdhënësit të Vuçiçit.
“Edi Rama, në Spanjë foli si zëdhënës i Vuçiçit.
Kemi bërë çdo gjë për Kosovën, për njohje. Një gënjeshtar i paparë.
Asnjë njohje, përkundrazi ka dekurajuar njohjet, jo një por disa”, tha Berisha.
Discussion about this post