Ousmane Dembele është një nga emrat më të diskutuar të momentit te Barcelona, duke qenë se kontrata e tij mbaron në qershor 2022 dhe ende nuk ka shenja të rinovimit.
‘Mundo Deportivo’ raporton se klubi katalanas i ka propozuar rinovimin lojtarit, por do t’i garantojë atij një pagë më të ulët se sot, por me shpërblime të kushtëzuara nga rezultatet që mund të marrë. Sa më shumë të luajë, aq më shumë do të fitojë Dembele.
Megjithatë së fundmi raportohet se francezi po merr propozime joshëse edhe nga Premier League, me Manchester United, Newcastle dhe mbi të gjitha Tottenham të cilët po e ndjekin lojtarin.
Media katalanase shton më tej se Fabio Paratici, tashmë drejtor i Tottenham i kishte bërë ballë Dembeles në kohën e Juventusit dhe tani do të dëshironte t’ia jepte Antonio Contes, duke përfituar nga fakti se në qershor mund të merret si transferim i lirë.
Ai duket se ndihet rehat në Barcelonë, por edhe agjenti i tij Moussa Sissoko do të dëshironte ta merrte francezin në ekipe që i ofrojnë më shumë para./K.T/Gijotina.com
Discussion about this post