Lionel Messi ka zbuluar së fundmi se pse vendosi të mbajë numrin 30 dhe jo 10 te Paris Saint-Germain.
Në një intervistë të dhënë për ‘France Football’ argjentinasi ka theksuar se arsyeja pse nuk mori numrin që Neymar i ofroi është çështje respekti.
“10-shi ishte për të. Kam ardhur te një ekip i ri për të ndihmuar. Ishte një gjest I jashtëzakonshëm nga ana e Neymar. E prisja duke e njohur Neymarin. Kemi kaluar kohë së bashku te Barcelona dhe jemi shokë. Më dukej më e drejt që ai të mbajë numrin 10 ndërsa unë mora numrin 30, numër që më pëlqen”, tha Messi.
Kjo ishte hera e parë që ylli i Argjentinës rrëfen arsyet se pse e shtyn në një vendim të tillë. Rikujtojmë që pak ditë më parë pleshti fitoi për të shtatën herë ‘Topin e Artë’.
Ndërsa në 12 ndeshje të zhvilluara ai ka realizuar 4 gola dhe ka dhënë 3 asiste, shumë larg periudhës së tij të artë./K.T/Gijotina.com
Discussion about this post