Drejtori i Përgjithshëm i Policisë së Shtetit, Muhamet Rrumbullaku, u shpreh pasditen e sotme se po vijon operacioni për sekuestrimin e pasurive të 3 shtetasve, bazuar në një operacion të Prokurorisë Speciale kundër anëtarëve të një organizate kriminale që vepronte në fushën e trafikut të drogës.
Sipas Rrumbullakut, bëhet fjalë për pasuritë e shtetasve Gëzim Çela, Nderim Çela dhe Arlind Ismajlukajt.
Rrumbullaku tha se për këta shtetas ka një vendim të GJKKO-së lidhur me pasuritë.
“Në zbatim të vendimit të Gjykatës së Posaçme po vijon operacioni në terren për sekuestrimin e pasurive:
Gëzim Çela,
Nderim Çela
Arlind Ismajlukajt”, tha ai.
Në vijim, Rrumbullaku sqaroi edhe për rolin e shefit të Komisariatit Kurbin, Dritan Metaj, i arrestuar në kuadër të operacionit. Rrumbullaku tha se është provuar që shefi i komisariatit të Laçit, Dritan Meta ka pasur rol në grupin e strukturuar kriminal.
“Kemi një vendim të Gjykatës të Posaçme, gjithçka që është vënë në dispozicion të prokurorëve do të thotë që kemi dokumentuar të gjithë rolin dhe përfshirjen e tij në mbështetje të grupit të strukturuar kriminal. Për hollësi të mëtejshme ia lëmë hetimit”, tha Rrumbullaku.
Discussion about this post