Ministri i Brendshëm, Taulant Balla ka reaguar në rrjetet sociale për megaoperacionin “Flakë në det”, i cili u realizua në bashkëpunim me SPAK, Guardia di Finanza dhe FRONTEX.
Balla komentoi arrestimin e shefit të Komisariatit të Kurbinit, Dritan Metaj.
Për ministrin, Policia e Shtetit është në një moment vetë-pastrimi, i cili po vijon intensivisht.
Kjo do ta çojë Shqipërinë në një nivel tjetër të sundimit të ligjit.
“Vijon intensivisht procesi i vetë-pastrimit të Policisë së Shtetit. Policia e Shtetit në bashkëpunim me SPAK kanë arrestuar sot pasdite Shefin e Komisariatit të Policisë Kurbin, i cili dyshohet për bashkëpunim me drejtuesit e një grupi kriminal, ndaj të cilëve janë lëshuar gjithashtu urdhra arresti. Forcimi i bashkëpunimit mes agjencive ligjzbatuese dhe lufta e përbashkët për spastrimin e vatrave të krimit përballë dhe brenda vetë organizatës së Policisë së Shtetit, do ta çojë Shqipërinë në një tjetër nivel të sundimit të ligjit”, shkruan Balla.
Discussion about this post