Forcat e Mbrojtjes të Izraelit kanë konfirmuar se 900 izraelitë kanë vdekur, dhe se trupat e 1500 militantëve të Hamasit gjenden në territorin izraelit.
IDF konfirmoi se që nga nisja e luftimeve Izrael- Hamas 900 izraelitë kanë humbur jetën nga bombardimet dhe sulmet. IDF gjithashtu ka publikuar emrat e 123 ushtarëve që thotë se janë vrarë që nga fillimi i luftës, raporton BBC.
Githashtu u konfirmua se një ushtar, me gradën nënkolonel, vdiq në një përleshje zjarri në kufirin verior me Libanin, megjithëse kuptohet se kjo nuk ishte një përplasje me Hezbollahun.
Ditën e shtunë në mëngjes, grupi militant i Hamasit që sundon Rripin e Gazës kreu një sulm vdekjeprurës me shumë fronte në Izrael. Ndërkohë Izraeli iu kundërpërgjigj me sulme ajrore ku ditën e dielë shpalli edhe zyrtarisht gjendjen e luftës.
Nga raportimet e derimëtanishme, mësohet se numri i viktimave ka kaluar 1700, ku mbi 150 prej tyre janë fëmijë: rreth 900 janë izraelitë dhe mbi 700 janë palestinezë në Gaza. Mijëra persona të tjerë kanë mbetur të plagosur.
Discussion about this post