Një 56-vjeçar ka humbur jetën pasditen e sotme, pasi e ka zënë poshtë nga një masiv dheu. Ngjarja ka ndodhur në fshatin Prekal, pranë qytetit të Shkodrës.
Sipas raportimeve, 56-vjeçari ishte duke punuar me ekskavator në një aks rrugor në fshatin Prekal, kur një masiv dheu është shkëputur nga lartësia dhe ka zënë poshtë ekskavatorin që drejtohej nga viktima.
Sakaq, grupi hetimor ndodhet në vendngjarje dhe vijon punën për sqarimin e rrethanave të kësaj ngjarjeje.
Njoftimi i policisë:
Shkodër/Informacion paraprak
Rreth orës 14:30, ndërkohë që po kryheshin punime në një aks rrugor në fshatin Prekal, është shkëputur nga lartësia, një masiv dheu që ka zënë poshtë ekskavatorin me drejtues shtetasin Z. P., 56, banues në fshatin Stajkë, Vau i Dejës. Si pasojë, 56-vjeçari ka humbur jetën.
Grupi hetimor ndodhet në vendngjarje dhe vijon punën për sqarimin e rrethanave të kësaj ngjarjeje.
Discussion about this post