Deputeti i Partisë Demokratike, Oerd Bylykbashi, i cili është rreshtuar në krah të Sali Berishës, në betejë për të larguar Lulzim Bashën, thotë se Kuvendi i 11 dhjetori do të quhet legjitim dhe do të ketë vlerë vetëm nëse do të ketë pjesëmarrjen e mbi 50% të delegatëve.
Në një intervistë për mediat, Bylykbashi shprehet se vendimet mund të merren vetëm me shumicën e delegateve prezent.
“Statuti është ligji dhe kushtetuta për ne. Kësaj radhe për here të parë është thirrur baza e partisë, dhe e gjitha kjo është politike por ka edhe element statusore. Për herë të parë vihet në funksion një mekanizëm që nuk është vënë më parë. Është 50% +1 delegatëve e 7646 delegatëve siç e ka anonçuar në kuvendin e fundit komisioni që ngre kuvendi vetë. Është ai që ka thënë se ky numër nuk ndryshon. Më pas, vendimet sipas rastit mund të merren me 50 plus 1 të atyre që janë prezent” – është shprehur Bylykbashi.
Bylykbashi është shprehur se procesi do të ketë transparencë maksimale, ndërsa shtoi se mjaftojnë vetëm 1900 firma delegatësh që të quhet i thirrur Kuvendi.
“Verifikimi i parë është thirrja. Me pas verifikohet kuorumi e vetëm atëherë mund të ketë vendimmarrje. Vendimin për ta thirrur Kuvendin e merr ose Këshilli Kombëtar dhe Kryesisë. Ky komision do të verifikojë a është thirrur kuvendi? A janë 1/4 e anëtarëve? Për verifikim sasior pra si numër, a janë 1913 mos gaboj kërkesa me shkrim e më pas a janë delegatë këto apo jo? Ne e dimë që ka 4200 kërkesa mjaftojnë vetëm 1900 e pak që të quhet i thirrur Kuvendi” – ka thënë Bylykbashi.
Discussion about this post