Instituti i Ndërtimit ka arritur në konkluzionin se pallati 10 katësh që u përfshi nga flakët në zonën e ish-Parkut të Autobusëve në Tiranë është i pabanueshëm.
Instituti e konsideron godinën të rrezikshme për jetën e banorëve dhe sugjeron që t’i nënshtrohet restaurimit.
Sipas ekspertizës së Institutit të Ndërtimit, zjarri nuk ka dëmtuar vetëm fasadën, ashtu sikundër pretendohej në ditët e para të ngjarjes, por dëme janë shkaktuar edhe në kolona, çka e bën të pabanueshëm.
Po ashtu do të Instituti sugjeron të përforcohen elementët strukturorë si, trarët, soleta dhe kolonat.
Deri në momentin e restaurimit, ndërtesa konsiderohet me rrezikshmëri për jetën e njerëzve dhe e pa përdorshme.
“Struktura duhet t’i nënshtrohet restaurimit dhe përforcimit të elementëve strukturorë, trare, soleta apo edhe kolona, vetëm në zonën e dëmtuar duke u bazuar në një projekt përforcimi strukturor mjaft të detajuar për objektin përkatës, mbështetur në dëmtimet e zjarrit të datës 14 Shtator 2023. Deri në momentin e restaurimit, ndërtesa konsiderohet me rrezikshmëri për jetën e njerëzve dhe e papërdorshme”, thuhet në ekspertizën e Institutit.
Discussion about this post