Shmangia e afateve nga bizneset për të mos regjistruar pronarët përfitues brenda marsit të këtij viti ka detyruar qeverinë që të rishikojë ligjin e miratuar në vitin 2020. Ligji për “Regjistrin e Pronarëve Përfitues” synonte ngritjen e një regjistri që do të zbardhte emrat e pronarëve përfitues të kompanive të regjistruara në parajsat fiskale ose e njohur ndryshe offshore me aktivitet në Shqipëri që zotërojnë të paktën 25% të aksioneve.
Sipas relacionit të draftit të hedhur për konsultim publik nga Financat nga mbi 64 mijë subjekte si dhe Organizata Jofitimprurëse që kishin detyrimin për të bërë regjistrimin e pronarëve përfitues, vetëm 23.
4 mijë i kanë regjistruar të dhënat e tyre.
Nisur nga kjo por edhe nga rekomandimet që Moneyval ka bërë për parandalimin e pastrimit të parave në vend qeveria ka ndërmarrë një sërë ndryshimesh ligjore për ‘Regjistrin e Pronarëve Përfitues’, i cili menaxhohet nga Qendra Kombëtare e Biznesit. Ndërhyrjet parashikojnë popullimin automatik të regjistrit të pronarëve përfitues nga Qendra Kombëtare e Biznesit për bizneset raportuese që kanë pronësi direkte.
Edhe pse ky ligj duhej të hynte në fuqi që në janar të këtij viti, qeveria vazhdon të shtyj afatin kësaj here deri më 1 prill 2022 për raportimin fillestar të pronarëve përfitues nga subjektet raportuese ekzistuese me pronësi direkte të regjistruara si dhe nga Organizatat Jofitimprurëse. Kjo më shumë duket se qeveria nuk ka dëshirë që ta vërë në zbatim, duke mbajtur të fshehtë këto kompani të paligjshme.
Discussion about this post