Këtë fundjavë u luajt përballja mes Borusia Dortmund dhe Bayern Munich, ndeshje që përfundoi me rezultatin e ngushtë 3-2.
Përvec golave, ajo që e bëri të veçantë këtë përballje ishte fakti se dy gjigandët gjermanë përplasën ‘brirët’ në këtë klasike, në tentativë për të ndryshuar situatën e kreut të Bundesligës.
Borusia Dortmund ishte e para që kaloi në avantazh me golin e Brandt që në fillimin e pjesës së parë, por menjëherë do të vinte kundërpërgjigja e Lewandowskit që barazpeshon gjithçka në fushë. Coman do të bënte përmbysjen e madhe duke shënuar në fundin e pjesës së parë, me shifrat që mbyllen në 2-1 në favor të bavarezëve.
Fillimi i 45 minutave të dyta do të gjente Haaland përballë Neuer, për të tundur rrjetën e këtij të fundit me golin e tij në minutën e 48’, duke barazuar shifrat, por do të ishte sërish Lewandowski që me golin e tij arrin ti dërgojë shifrat finale në 3-2, për të marrë pikët e plota nga kjo përballje, me Bayernin që arrin të krijojë një shkëputje të lehtë me 34 pikë, ndaj Borusia Dortmundit e cila ndodhet në vendin e dytë me 30 pikë.
Lewandowski edhe një herë ka treguar se është element kyç te Bayern Munich, ku kjo fitore në derbi e ka rritur mjaft moralin e skuadrës, përpara përballjes kundër Barcelonës në Champions League këtë të mërkurë.
Discussion about this post